Time for Kohli to lead India

20160121224439

Australia me series haar ke baad fir se Dhoni ki captaincy pe sawaal uthna laazmi hai. Jaha tak Dhoni ki captaincy ki baat ki jaaye 2015 bhi Indian cricket ke liye jyada achha nahi raha. Jiske chalte dhoni ne test cricket se sanyas le liya tha. To kya ab samay aa gaya hai ki Dhoni ko cricket ke chhote praroop ki captaincy ko bhi alvida keh dena chahiye, or inki kamaan Kohli ke haath me de deni chahiye!
Dhoni ki captaincy me Indian cricket me jo badlaav aaya hai usey hum nahi bhul sakte. Dhoni ne India ko ICC ki teeno trophies ka sartaaj banaya hai. Lekin pichhle world-cup me or uske baad Indian cricket kuchh khaas prabhavit nahi kar paya hai. Wahi Test format me jaha Kohli captain hai, India No. 1 position pe hai. Unhone sri-lanka ko unki dharti par test-series harayi thi.

Dhoni jo India ke liye behtareen finisher jaane jaate the. Wo finisher bhi ab khatm ho chuka hai. Dhoni har haar ke baad apni galti swikar karte hai lekin team ko ab jeet ki jarurat hai. Australia ke khilaaf sabhi batsman century laga rahe hai, achha score kar rahe hai lekin natiza nahi mil raha. Jisse fir se lagne laga hai ki one-day me bhi change laane ki jarurat hai. Jaisa humne pichhle saal Kohli ki captaincy me kuchh match dekhe hume lagta hai ki India ko Kohli se behtar captain nahi mil sakta. Wo ek scoring batsman ke saath achhe captain bhi ban sakte hai. Sabhi players unki izzat karte hai or unki sunte bhi hai. Cricket ke maidan par aane wale challenges se bhi abb vey bhalibhanti parichit hai.

Dhoni aur Kohli ka captaincy ka tarika bhi alag alag hai. Ho sakta hai aaj ka cricket Kohli ki captaincy ke tarike ka ho. To kya abb Cricket ke teeno praroop ki captaincya Kohli k haath me dene ka samay aa gaya hai?

Aur shayad kisi ko jyada aashcharya bhi nahi hona chahiye agar World T20 ke baad Kohli ke haath me Indian team ki kamaan aa jaaye toh.

ShashAnk VyAs
21 Years, Rajasthan B.A. (Maharaja Ganga Singh University)
https://www.facebook.com/app_scoped_user_id/741194579347653/
Similar Articles
Top